माइतीघरमा च्यातिएको राष्ट्रिय झन्डा फेरेर शुक्रबार नयाँ झन्डा राखिएको छ । उक्त झन्डा च्यातिएको हप्तौँ भइसक्दा पनि नफेरिएको भन्दै सर्वसाधारणले आलोचना गरेका थिए ।
प्रधानमन्त्री केपी शर्मा ओलीले केही महिनाअघि तामझामसाथ उक्त झन्डाको उद्घाटन गरेका थिए ।
राजधानीको मुटु मानिने माइतीघरको बीच खम्बामा फहराइरहेको झण्डा च्यातिएर झुत्रो भइसक्दा समेत त्यसलाई नफेरिनु दुखद रहेको भन्दै उपहास हुने गरेको थियो ।
