नेपालमा कोरोना सङ्क्रमितको सङ्ख्या दुई हजार ९१२ पुगेको छ । आज एकैदिन २७८ जनामा कोरोना सङ्क्रमण देखिएको छ । सङ्क्रमणबाट आज थप एक जनाको मृत्यु भएको छ । स्वास्थ्य तथा जनसङ्ख्या मन्त्रालयका अनुसार सुर्खेत घर भएका २८ वर्षका पुरुषको मृत्यु भएको हो । उनको यही जेठ २२ गते मृत्यु भएको हो । उनीसँगै कोरोनाका कारण मृत्यु हुनेको सङ्ख्या ११ पुगेको छ ।

नेपालमा ३ सय ३३ जना उपचारपछि निको भएका छन् । आजसम्म नेपालका ६८ जिल्लामा सङ्क्रमित देखिएका छन् । ९ जिल्लामा भने हालसम्म कोरोनाको प्रभाव परेको छैन ।

कोरोनाले नछोएका जिल्लाहरुमा डोल्पा, मुस्ताङ, मनाङ, रसुवा, जाजरकोट, रुकुम पश्चिम, रोल्पा, ओखलढुङ्गा र इलाम रहेका छन् ।