रुपन्देहीको तिलोत्तमा नगरपालिका–१० कान्छीबजारमा ५ जनाको हत्या भएको छ । स्थानीय प्रदीप थापाका अनुसार कान्छीबजारको मैनहवास्थित भैंसीफार्ममा काम गर्ने ५ जनाको हत्या भएको हो ।

स्थानीय कृष्ण पुनको भैंसी फार्ममा काम गर्ने सुर्खेतका झपेन्द्र सिंजालीले सोही फार्ममा काम गर्ने ५ जना अन्य कामदारको हत्या गरी फरार भएको थापाले जानकारी दिए । मृतकको परिचय खुल्न नसकेको उनले बताए ।

‘गोठमा काम गर्ने ५ जनाको हत्या गरी तन्नाले ढाकेर राखिएको अवस्थामा छ, अहिले बिहान विभत्स दृश्य देखेपछि मंगलापुर प्रहरी चौकीलाई खबर गरिएको र प्रहरी घटनास्थल आउँदै छ’ थापाले भने ।