नेपालमा आज (सोमवार) एकैपटक ५३५ जनामा कोरोना भाइरसको संक्रमण पुष्टि भएको छ । योसँगै नेपालमा कोरोना संक्रमितको कुल संख्या ९ हजार ५६१ पुगेको छ ।
स्वास्थ्य मन्त्रालयको नियमित मिडिया ब्रिफिंगमा मन्त्रालयका प्रवक्ता प्राडा. जागेश्वर गौतमले नेपालमा आज एकैपटक ५३५ जनामा कोरोना संक्रमण पुष्टि भएको जानकारी दिए । उनका अनुसार आज भेटिएका संक्रमितहरुको स्वास्थ्य अवस्था सामान्य रहेको छ भने उनीहरु चिकित्सकको निगरानीमा रहेका छन् ।
नेपालमा कोरोना भाइरसको महामारीका कारण अहिलेसम्म २३ जनाको मृत्यु भईसकेको छ भने २ हजार १४२ जना स्वास्थ्योपचार पछि निको भएका छन् । आज मात्रै नेपालमा उपचार पछि ३७० जना निको भएका छन् ।
नेपालमा हिजो (आईतवार) एकैपटक ४२१ जनामा कोरोना संक्रमण पुष्टि भएको थियो ।
