नवकान्तिपुर संवाददाता
काठमाडौं, १४ असार ।
आइतबारसम्म नेपालमा कोरोना संक्रमितको संख्या १२ हजार नाघेको छ । देशका ७७ जिल्लामै कोरोनाले आफ्नो प्रभाव पारिसकेको छ । स्वास्थ्य तथा जनसंख्या मन्त्रालयले दिएको जानकारीअनुसार मुलुकभर संक्रमितको संख्या १२ हजार ३ सय ९ पुगेको छ।
पछिल्लो २४ घण्टामा ४६३ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले दिएको जानकारी अनुसार ३५८ जना पुरुष र १०५ जना महिला गरी आज ४६३ जना संक्रमित थपिएका हुन् ।
आज कुल १७९ जना डिस्चार्ज भएका छन् । स्वास्थ्य मन्त्रालयका प्रवक्ता डा जागेश्वर गौतमका अनुसार १३ महिला र १६६ पुरुष गरी आज १७९ जना डिस्चार्ज भएका हुन् । यससँगै नेपालमा संक्रमितमध्ये ३ हजार १३ जनाले कोरोनालाई जितेका छन् । संक्रमितमध्ये २८ जनाको निधन भैसकेको छ ।
कुन जिल्लामा कति पुगे कोरोना संक्रमित ?
