नवकान्तिपुर संवाददाता
काठमाडौं, १४ साउन ।
कांग्रेस महामन्त्री डाक्टर शशांक कोइरालाले आगामी महाविधेशनमा सभापति पदमाको उम्मेदवारी दिने बताएका छन् । वरिष्ठ नेता रामचन्द्र पौडेल पक्षको पार्टी कार्यालय सानेपामा भएको भेलापछि सञ्चारकर्मीहरुको प्रश्नमा उनले सभापति पदमा उम्मेद्वारी दिने बताएका हुुन् ।
सबैलाई मिलाएर अघि बढ्ने हैसियत आफुले राख्ने भन्दै उनले भने,‘मैले सबैलाई मिलाएर लैजानसक्छु । त्यसैले स्वभाविक रुपमा म पनि सभापतिको दाबी रहन्छ र मैले चुनाव पनि जित्छु ।’ कांग्रेसमा देउवा इतरका सबै नेताहरुलाई मिलाएर आफु सभापतिमा उठ्ने महामन्त्री कोइरालाले बताए ।
उनले महाविधेशन आउन ९ महिना मात्रै बाँकी रहेका बेला सभापति शेरबहादुर देउवाले महाविधेशन प्रभावित पार्नेगरी विभागहरुमा मनोनयन गरेकाले आजको भेला बोलाएको समेत बताए ।
