बलिवुड अभिनेता अक्षयकुमारले निर्माता निर्देशक आनन्द एल रायसँग मिलेर बनाउन लागेको नयाँ फिल्म ‘रक्षा बन्धन’ को घोषणा गरेका छन् । फिल्म २०२१ को नोभेम्बर ५ मा रिलिज हुने बताइएको छ । फिल्मलाई हिमांशु शर्मा, अल्का हिरानान्दनी र आनन्द एल रायले लेखेका छन् । बलिवुड फिल्म विश्लेषक तरण आदर्शका अनुसार फिल्मलाई आनन्दको कलर एलो प्रोडक्सन र अक्षयकुमारको कप अफ गुड फिल्मले संयुक्त रुपमा निर्माण गर्दै छन् ।

बलिवुडमा अहिले अत्यन्त सफल फिल्म दिइरहेका अक्षयकुमारका यस बर्ष चार फिल्म आउदै छन् । कति फिल्म त बनेर तयार भएपनि कोरोनाका कारण प्रदर्शन हुन सकिरहेका छैनन् । लक्ष्मी बम्ब बनेर तयार भएपनि कोरोनाले गर्दा सिनेमा हल बन्द हुदा अब डिजिटल प्लेटफर्ममा मात्र रिलिज हुने भएको छ । लक्ष्मी बम्बलाई डिज्नी-हटस्टारले रिलिज गर्दै छ ।

त्यस्तै अक्षयकुमारको यस बर्ष यशराज ब्यानरको पृथ्वीराज, रोहित शेट्टीसँगको फिल्म सुर्यबंशी र आनन्द एल रायसंगको फिल्म अतरंगी रे आउँदै छन् ।