सानो र ठूला पर्दाकी चर्चित अभिनेत्री तथा ‘नागिन’ नामले चर्चित मौनी रोय सामाजिक सञ्जालमा निकै सक्रिय छिन् र समय–समयमा फोटो तथा भिडियो पोस्ट गरिरहेकी हुन्छिन् । उनका केही तस्विर यस्ता छन् जसमा उनी निकै सुन्दर र हट देखिएकी छिन् । यी तस्विरलाई फ्यानले पनि निकै मन पराएका छन् ।
यतिबेला मौनी आफ्नो पर्सनल लाइफका कारण चर्चामा छिन् । पछिल्ला केही दिनदेखि मौनी रोय बैंकर सूरज नाम्बियारसँगको सम्बन्धलाई लिएर चर्चामा छिन् । योसँगै मौनी रोयको विवाहको मिति पनि सार्वजनिक भएको छ । रिपोर्टका अनुसार मौनी रोयले आफ्ना प्रेमी सूरजसँग २७ जनवरीमा विवाह गर्दैछिन् । मौनी र सूरजको डेस्टिनेशन विवाह हुने बताइएको छ । दुबैको बिहे दुबई वा इटालीमा हुनेछ ।
विवाहपछि मौनी रोयले आफ्नो गृहनगर कुचबिहारमा रिसेप्शन दिनेछिन् । यो रिसेप्सनमा आफ्नो डेस्टिनेशन विवाहमा नगएका सबै मानिसहरु सामेल हुनेछन् । सुरज दुबईमा बस्छन् र पेशाले बैंकर हुन् । सन् २०१९ मा सूरज र मौनीको अफेयरको खबर आएको थियो । मौनीका साथीले सामाजिक सञ्जालमा तस्विर पोस्ट गरेकी छन् । तस्विरमा मौनी र सूरज सँगै देखिएका छन् । यद्यपि मौनीको नाम अभिनेता गौरव चोपडासँग पनि जोडिएको थियो तर उनको मोहित रैनासँगको अफेयर सबैभन्दा बढी चर्चामा थियो ।
