बलिउड अभिनेत्री जान्हवी कपुर आजकाल आफ्नी बहिनी खुशी कपुरसँग दुबईमा छुट्टी मनाइरहेकी छिन् । दुवै दिदीबहिनीले आ–आफ्ना सामाजिक सञ्जाल अकाउन्टमा लगातार आफ्ना ग्ल्यामरस तस्विरहरू शेयर गरिरहेकी छिन् ।
केहि समय अघि जान्हवी कपूर दुबईको मरुभूमिमा सर्ट र ब्रालेट लगाएर एटिभी बाइक राइडको मजा लिँदै रहेकी थिइन् । अहिले जान्हवी ले दुबईको बिचबाट आफ्ना हट तस्विरहरू फ्यानहरूसँग शेयर गरेकी छिन् । यी तस्विरमा जान्हवीको हट स्टाइल देख्न सकिन्छ । तस्विरमा जान्हवी र खुशी सूर्यास्तको अगाडि पोज दिइरहेका छन् । जान्हवीले प्रिन्टेड बिकिनी लगाएकी छिन् ।
तस्विरसँगै जान्हवीले केही भिडियो पनि शेयर गरेकी छिन्, जसमा उनी जेट स्कीको मजा लिँदै छिन् । यी तस्विरहरूसँग अभिनेत्रीले क्याप्सनमा लेखिन्, ‘लुंगी डान्स।’ जान्हवी कपुर चाँडै नै फिल्म ‘गुड लक जेरी’ मा देखिनेछिन् । यसबाहेक उनी ‘दोस्ताना २’ र ‘तख्त’मा पनि देखिनेछिन् ।
