अभिनेत्री पायल रोहतगीले आफ्नो प्रेमी रेसलर संग्रामसँग ९ जुलाई २०२२ मा आगरामा विवाह गरिन् । विवाहपछि जोडीले दिल्ली, मुम्बई, हरियाणा र अहमदाबादमा रिसेप्शन पार्टी आयोजना गरेका थिए । पायल र संग्राम सिंह विवाहको ३ महिनापछि माल्दिभ्समा हनिमुन मनाउँदैछन् ।
यो नवविवाहित जोडीको रोमान्टिक स्टाइल माल्दिभ्समा देखिएको छ । पायल रोहतगीले पनि समुन्द्रको किनारबाट आफ्ना धेरै हट बिकिनी तस्विरहरु सेयर गरिरहेकी छिन् । पायल रोहतगी माल्दिभ्सको सौन्दर्यको मजा लिइरहेकी छिन् । कहिले बालुवामा सुतेको त कहिले पोखरीमा खाजाको मजा लिइरहेको देखिन्छ ।
यी तस्विरहरूमा, पायलले रातो रङको मोनोकिनी लगाएर इन्फिनिटी पूलमा स्वादिष्ट परिकारको मजा लिइरहेको देखिन्छ। यससँगै उनले क्याप्सनमा लेखेकी छन्, ‘जब तिमी माया र साँचो इरादाका साथ अगाडि बढ्छौ, तिमी सधैं जित्छौ।
पायलले अर्को रोमान्टिक भिडियो पनि सेयर गरेकी छिन्, जसमा उनी पति संग्रामसँग देखिएकी छिन् । भिडियोमा उनी कहिले संग्रामको खुट्टा थिचेर त कहिले क्यामेराको लागि पोज दिईरहेकी छिन् । यस भिडियोको साथ पायलले लेखेकी छिन्, ‘जीवनलाई यसरी बाँच्नुहोस् कि सबै आफ्नो पक्षमा छ’।
पायल रोहतगी र संग्राम सिंह १२ वर्षदेखि सम्बन्धमा थिए । कंगना रनौतको शो ‘लक अप’ मा संग्राम सिंहले पायललाई विवाहको प्रस्ताव राखेका थिए । दुवैले आफ्नो वैवाहिक जीवनलाई रमाइलो गरिरहेका छन् ।
