इटालियन सिरी ए अन्तर्गत इन्टर मिलानले संघर्षपूर्ण जित हासिल गरेको छ । गएराती सम्पन्न खेलमा इन्टर मिलानले फिओरेन्टिनालाई ४-३ गोल अन्तरले पराजित गरेको छ ।

इन्टर मिलानको जितमा लाउटारो मार्टिनेज, रोमेलु लुकाकु र डानीलो डी एम्ब्रोसिओले एक एक गोल गरे भने फिओरेन्टिनाका फेडेरिको चेचेरिनीले एक गोल आत्मघाती गरेका थिए । त्यस्तै फिओरेन्टिनाका लागि क्रिस्टियन कोउमे, गाएटानो कास्ट्रोभिली र फेडेरीको चिएसाले एक एक गोल गरेका थिए ।

३-२ ले पछि परेको इन्टर मिलानले खेलको अन्तिम ३ मिनेट भित्र २ गोल गर्दै खेलमा कमब्याक गरेको थियो । लुकाकुले ८७औ र डी एम्ब्रोसियोले ८९औ मिनेटमा गोल गर्दै इन्टरलाई हारबाट बचाएका थिए ।

यो जितसँगै इन्टर मिलानले सिरी ए मा विजयी शुरुवात गरेको छ ।