बायर्न म्युनिखले डिएफएल सुपरकपको उपाधि जितेको छ । गएराती सम्पन्न खेलमा बायर्नले डोर्टमण्डलाई ३-२ गोल अन्तरले पराजित गर्दै डिएफएल सुपरकपको उपाधि जितेको हो ।

बायर्नको जितमा थोमस मुलर, कोरेनटिन टोलिस्सो र जोशुआ किमिचले एक एक होल गरेका थिए भने डोर्टमण्डका लागि जुलियन ब्राण्डट र एर्लिंग हलाण्डले एक एक गोल गरेका थिए । लगातार उपाधि जितिरहेको बायर्नले बुण्डेसलिगा, च्याम्पियन्स लिग, युइएफए सुपर कप पछि डिएफएल सुपर कप पनि जितेको छ ।

डिएफएल सुपर कपको यो नवौ सिजन हो । जर्मनीमा अघिल्लो सिजनमा बुण्डेसलिगाको विजेता र डिएफएल पोकलको उपाधि जित्ने टिमबीच यो सुपरकप खेल्ने गरिन्छ । तर दुवै प्रतियोगिता एकै टिम बायर्नले जितेकाले यस बर्ष बुण्डेसलिगाको उपविजेता डोर्टमण्डले डिएफएल सुपरकप खेलेको हो ।