पिएसजीले फ्रेन्च लिग वान अन्तर्गत फराकिलो जित हासिल गरेको छ । गएराती सम्पन्न खेलमा पिएसजीले एन्जर्सलाई ६-१ गोल अन्तरले पराजित गरेको हो । पिएसजीको जितमा नेइमारले २ गोल गरेका भने किलियन एम्बाप्पे, इद्रिस्सा गुएये, जुलियन ड्राक्सलर र अलेसान्द्रो फ्लोरेनजीले एक एक गोल गरेका थिए ।

त्यस्तै एन्जर्सका लागि इस्माएल ट्राओरेले एक गोल फर्काएका थिए । प्रतिबन्ध र इन्जुरीका कारण नयाँ सिजनमा खराब सुरुवात गरेका नेइमारले यस खेलमा २ गोल र एक गोल असिस्ट गर्दै राम्रो योदान गरेका छन् ।

यो सँगै पिएसजीको यस सिजनमा ६ खेलमा चौथो जित हो । पिएसजीले यस सिजनका सुरुका दुवै खेलमा हार बेहोरेको थियो ।

त्यस्तै एन्जर्सले भने अहिलेसम्म खेलेका ६ खेलमा ३ जित र ३ हार बेहोरेको छ ।