नवकान्तिपुर संवाददाता
काठमाडौं, २६ असाेज ।
मंगलबार काठमाडौंका विभिन्न स्थानमा बत्ती जाने भएको छ । नेपाल विद्युत् प्राधिकरणका अनुसार काठमाडौंका विभिन्न स्थानमा मर्मत सम्भार गर्नुपर्ने भएकाले भोलि बिहान बत्ती जाने जनाइएको छ ।
प्राधिकरणका अनुसार भोलि बिहान साढे ६ देखि १० बजेसम्म रत्नपार्क वितरण केन्द्रको टेकु त्रिपुरेश्वर फिडर अन्तर्गत पर्ने विभिन्न स्थानहरु टेकु सबस्टेशन अगाडिबाट पचली भैरव, उद्योग वाणिज्य महासङ्घ, टेकुचोकबाट त्रिपुरेश्वर चोक नपुग्दै भाटभटेनी सुपर मार्केट अगाडि सम्म लगायतका स्थानमा र भीमसेनस्थान फिडर अन्तर्गत पर्ने अण्डरग्राउण्ड हुँदै टेकु नेशनल ट्रेडिङ बाहिरपटी लागायतका स्थानमा बत्ती जाने जनाइएको छ ।
त्यस्तै कालीमाटी फिडर अन्तर्गत पर्ने टेकु नेशनल ट्रेडिङ हुँदै हनुमन्ते भिमसेन स्थान, परोपकार, रामघाट लगायतका स्थानमा बत्ती जाने प्राधिकरणले जनाएको छ ।
