नवकान्तिपुर संवाददाता
काठमाडौं, २५ कात्तिक ।
इन्डियन प्रिमियर लिग ‘आईपीएल’ क्रिकेटको फाइनल खेल आज हुँदैछ । उपाधिका लागि युएईको दुवइ इन्टरनेशनल स्टेडियममा आज बेलुका पौने आठ बजे दिल्ली क्यापिटल्स र मुम्बई इण्डियन्स भिड्दैछन् ।
मुम्बई साविक विजेता टिम हो भने दिल्ली पहिलो पटक आईपीएलको उपाधि नजिक पुगेको हो । दोस्रो क्वालिफायरमा सनराइजर्स हैदराबादलाई पराजित गर्दै दिल्ली फाइनल पुगेको हो ।
दिल्ली पहिलो क्वालिफायरमा मुम्बईसँग पराजित भएको थियो । यस सिजनमा मुम्बईले दिल्लीलाई तीन पटक हराएकाले फाइनलमा पनि त्यसलाई निरन्तरता दिने प्रयासमा मुम्बई छ ।
मुम्बईले यसअघि चार पटक आईपीएलको उपाधि जितिसकेको छ दिल्ली भनेपहिलो पटक उपाधि भित्राउने प्रयासमा हुनेछ । सन् २००८ बाट शुरु भएको आईपीएलको यो १३ औं संस्करण हो ।
