नवकान्तिपुर संवाददाता
काठमाडौं, १३ चैत ।
प्रधानमन्त्री केपी ओलीले बोलाएको एमाले संसदीय दलको बैठकमा सहभागी हुन वरिष्ठ नेता झलनाथ खनाल बालुवाटार पुगेका छन्। प्रधानमन्त्री ओलीले शुक्रबार दिउँसो ३ बजे बालुवाटारमा दलका संसदीय दलको बैठक बोलाएका छन्। सो बैठकमा सहभागी हुन खनाल बालुवाटार पुगेका हुन्।
दलको बैठकमा नेपाल–खनाल पक्षका सबै सांसदहरु सहभागी हुने भए पनि वरिष्ठ नेता माधवकुमार नेपाल र उपाध्यक्ष भीम रावल भने बालुवाटार नजाने भएका हुन्।
दलको बैठकमा सहभागी भएर खनालले आफ्नो धारणा राख्ने बताइएको छ। सर्वोच्च अदालतले फागुन २३ मा एमाले र माओवादी केन्द्रबीचको एकीकरण भंग गरिदिएपछि पुर्ववत अवस्थामा पुगेको एमालेमा अध्यक्ष ओली र नेपाल पक्षबीच तीव्र विवाद भइरहेको छ।
