युरोपको विश्वकप छनौट अन्तर्गतको खेलमा जर्मनी पराजित भएको छ । गएराती सम्पन्न खेलमा जर्मनी उत्तरी मासेडोनियासँग २-१ गोल अन्तरले पराजित भएको हो ।

उत्तरी मासेडोनियाको जितमा गोरान पाण्डेभ र एल्जिभ एल्मासले एक एक गोल गरेका थिए भने जर्मनीका लागि खेलको ६३औ मिनेटमा म्यानचेस्टर सिटीका खेलाडी इके गुनडोगनले पेनाल्टीमार्फत गोल गरेका थिए ।

यो हार पछि जर्मनी समुह जे मा तेस्रो स्थानमा पुगेको छ । जर्मनीको ३ खेलमा ६ अंक रहेको छ । त्यस्तै उत्तरी मसेड़ोनियाको ३ खेलमा ६ अंक रहेको छ र दोस्रो स्थानमा रहेको छ । अब जर्मनीले विश्वकप छनौट अन्तर्गतको चौथो खेल आगामी सेप्टेम्बर ३ मा लिचटेनटैनविरुद्ध खेल्ने छ ।