इंग्लिस प्रिमियर लिग फुटबलमा म्यान्चेष्टर युनाइटेडले सहज जित हात पारेको छ । आइतबार राति घरेलु टोली टोटेनहमलाई युनाइटेडले ३–१ गोलले हराएको हो ।

पहिलो हाफमा १–० ले पछि परेको अवस्थामा युनाइटेडले पुनरागमन जित निकाल्यो । खेलको ४०औँ मिनेटमा सन ह्युङ मिनको गोलमा टोटेनहमले अग्रता बनाएको थियो ।

५७औँ मिनेटमा युनाइटेडका लागि फ्रेडले गोल गरे । इडिन्सन काभानीले ७९औँ मिनेटमा युनाइटेडलाई अग्रता दिलाए । इन्जुरी समयमा मासन ग्रिनउडको प्रहार गोलमा परिणत भएपछि युनाइटेड ३–१ ले विजयी बन्यो । जितसंगै दोस्रो स्थानको युनाइटेडको ६३ अंक भएको छ । टोटेनहम ४९ अंकसहित सातौं स्थानमा छ ।