नवकान्तिपुर संवाददाता
काठमाडौं,१९ साउन ।
जिल्ला प्रशासन कार्यालय काठमाडौंले काठमाडौँ उपत्यका लगायत विभिन्न जिल्लाहरुमा कोरोनको संक्रमण बढ्दै गएको हुनाले भीडभाडजन्य क्रियाकलाप नगर्न आग्रह गरेको छ ।
प्रमुख जिल्ला अधिकारी कालिप्रसाद पराजुलीले एक सूचना जारी गर्दै कोरोना संक्रमणको उच्च जोखिम रहेका बेला पनि विभिन्न सभा, सम्मेलन, धर्ना, जुलुस, गोष्ठी, र्याली जस्ता गतिविधि भइरहेको भन्दै यसले संक्रमणदर अझै बढ्ने बताए । त्यस्तै यस्ता गतिविधिले कोरोना संक्रमण दर अझ उच्च हुन गई तेस्रो लहर आउन सक्ने सम्भावना देखिएकाले स्वास्थ्य मापदण्ड विपरीत यस्ता गतिविधि नगर्न / नगाराउन सबै पक्षलाई सूचित गरिएको सूचनामा उल्लेख छ ।
‘जारी निषेधाज्ञा र स्वास्थ्य मापदण्डको उल्लंघन गरी गतिविधि गरे/गराइएको पाइएमा प्रचलित कानून बमोजिम कडा कारबाही हुने व्यहोरा सूचित गरिन्छ’ सूचनामा भनिएको छ ।
सूचना :
