टी-२० वरीयतामा नेपाल एक स्थान तल झरेको छ । अन्तराष्ट्रिय क्रिकेट परिषद (आईसीसी) ले सार्वजनिक गरेको नयाँ वरीयतामा नेपाल एक स्थान तल झर्दै १३ औं स्थानमा रहेको हो ।

यस अघि नेपाल वरीयताको १२ औं स्थानमा रहेको थियो । गत महिना नेपाल टेस्ट राष्ट्र आयरल्याण्ड भन्दा माथि रहेको थियो नयाँ वरीयतामा आयरल्याण्ड १२ औं स्थानमा रहेको छ । त्यस्तै आईसीसीले सार्वजनिक गरेको टी-२० को नयाँ वरीयताको शीर्ष स्थानमा इंग्ल्यान्ड, दोस्रोमा भारत र तेस्रोमा पाकिस्तान रहेको छ भने न्युजिल्याण्ड चौंथो र दक्षिण अफ्रिका पाँचौं स्थानमा रहेका छन् ।

यस्तै एकदिवसीय वरीयतामा भने नेपाल १६ औं स्थानमै यथावत रहेको छ । यस अघि पनि नेपाल १६ औं स्थानमै रहेको थियो ।