नवकान्तिपुर संवाददाता
काठमाडौं, २४ असोज ।
पोर्चुगल अन्तराष्ट्रिय मैत्रीपूर्ण खेलमा विजयी भएको छ । शनिबार राति भएको खेलमा कतार पोर्चुगलसँग ३-० ले पराजित हुन पुग्यो ।
एकतर्फी बनेको खेलमा खेलको ३७ औं मिनेटमा क्रिष्टियानो रोनाल्डोले गोल गर्दै पोर्चुगललाई अग्रता दिलाए थिए । पहिलो हाफ १-० मा सकिएको खेलमा दोस्रो हाफमा पोर्चुगलले थप दुई गोल गर्यो । दोस्रो हाफको ४८ औं मिनेटमा जोसे फोन्टे गोल गर्दै पोर्चुगलको अग्रता दोब्बर बनाए । त्यस्तै खेलको ९० औं मिनेटमा आन्द्रे सिल्भाको गोल मार्फत पोर्चुगल ३-० ले अघि रह्यो ।
त्यसपछि थप समयमा कुनै टोलीबाट गोल भएन र खेल पोर्चुगलले ३-० ले जित्यो ।
