राष्ट्रियसभाको बैठक माघ १७ गतेका लागि बोलाइएको छ। संघीय संसदका महासचिव डा भरतराज गौतमले आज एक सूचना जारी गर्दै माघ २ गते आइतबारको सूचनामार्फत स्थगित गरेको बैठक माघ १७ गतेका लागि बोलाइएको हो।

राष्ट्रियसभा नियमावली, २०७५ को नियम ६ को उपनियम (१) बमोजिम बैठक बोलाएको जनाएको छ । प्रतिनिधिसभा बैठक माघ १६ गते बस्दैछ ।

यता प्रमुख प्रतिपक्षी दल नेकपा एमालेले आफ्ना माग पूरा नभएसम्म दुबै सदनको बैठक चल्न नदिने चेतावनी दिएको छ ।