नवकान्तिपुर संवाददाता
काठमाडौं, २४ माघ ।
सामाजिक सञ्जाल इन्स्टग्राममा ४०० मिलियन फलोअर्स हुने पहिलो र एकमात्र व्यक्ति बनेका पोर्चुगली कप्तान र स्टार फुटबल खेलाडी क्रिस्टियानो रोनाल्डो बनेका छन् । उनी इन्स्टग्राममा चार सय मिलियन फलोअर्स हुने पहिलो र एकमात्र व्यक्ति बनेका हुन् ।
त्यस्तै रोनाल्डो भन्दा पछि अमेरिकी टेलिभिजन स्टार केली जेनर रहेकी छिन् । उनको इन्स्टग्राममा ३०८ मिलियन फलोअर्स छन् । गत शनिबार मात्र आफ्नो ३७औं जन्मदिन मनाएका रोनाल्डो इंग्लिस क्लब म्यानचेस्टर युनाईटेडबाट व्यवसायीक रुपमा फुटबल खेल्छन् ।
त्यस्तै इन्स्टग्राममा सर्वाधिक फलोअर्सको तेस्रो स्थानमा अर्जेन्टिनी कप्तान लियोनल मेस्सी छन् । मेस्सीको इन्स्टग्राममा ३०६ मिलियन फलोअर्स रहेका छन् ।
