सञ्जय लीला भन्सालीको फिल्म ‘गंगुबाई काठियावाडी’ को फ्यानहरु उत्सुकताका साथ पर्खिरहेका छन् । फिल्ममा आलिया भट्ट मुख्य भूमिकामा देखिनेछिन् । फिल्ममा अजय देवगन पनि देखिनेछन् । हालै रिलिज भएको फिल्मको ट्रेलर हेरेपछि सबैले आलिया भट्टको तारिफ गरिरहेका छन् ।

भन्सालीको यो ठूलो बजेटको फिल्ममा काम गरेबापत स्टारहरूले चर्को पारिश्रमिक पनि लिएका छन् । समाचार अनुसार गंगुबाई काठियावाडीका लागि आलिया भट्टले अजय देवगनभन्दा बढी पारिश्रमिक लिएकी छिन् । आलिया भट्टले यो फिल्ममा काम गर्न २० करोड लिएकी छिन् ।

फिल्ममा अजय देवगन केमियो रोलमा देखिने भएका छन् । उनले करिम लाला नामक ग्याङ्स्टारको भूमिका निर्वाह गरिरहेका छन् । यो भूमिकाका लागि अजयले ११ करोड भारु पारिश्रमिक लिएका छन् । गंगुबाई काठियावाडीमा विजय राज पनि निकै बलियो भूमिकामा देखिनेछन् । ट्रेलरमा उनको लुक देखेर सबै छक्क परेका छन् । फिल्ममा रजिया बाईको भूमिका निर्वाह गरिरहेका विजय राजले पारिश्रमिक १ करोड ५० लाख लिएका छन् ।

सीमा पाहवाले गंगुबाई काठियावाडीमा आफ्नो अभिनय सीप देखाएबापत २० लाख पारिश्रमिक लिएकी छन् । योसँगै यो फिल्मबाट बलिउडमा डेब्यू गरेका शान्तनु महेश्वरीले ५० लाख पारिश्रमिक लिएका छन् । फिल्म गंगुबाई काठियावाडी मुम्बईकी माफिया रानी गंगुबाईमा आधारित छ, जो पहिले यौनकर्मी थिइन् र पछि अन्डरवर्ल्ड डन बनिन्। फिल्ममा आलिया भट्ट लेडी डन गंगुबाईको भूमिका निभाएकी छिन् । फिल्म फेब्रुअरी २५ मा सिनेमा हलमा रिलिज हुँदैछ ।