नेपाली राष्ट्रिय टोलीका कप्तान तथा लेग स्पिनर सन्दीप लामिछाने इन्डियन प्रिमियर लिग (आईपीएल) क्रिकेट २०२२ को अक्सनमा ‘अनसोल्ड’ भएका छन् । यस सिजनको मेगा अक्सनमा लेग स्पिनर सन्दीपलाई कुनैपनि टोलीले अनुबन्धन गरेनन् ।

उनलाई २०२१ को आईपीएलमा पनि कुनै टिमले भित्र्याएको थिएन । उनी लगातार दोस्रो पटक ‘अनसोल्ड’ भएका हुन् । सन्दीपले यसपटक अक्सनमा आफ्नो मूल्य भारु ४० लाख राखेका थिए । सन्दीपलाई यसअघि सन् २०१८ मा तत्कालिन दिल्ली डेयर डेभिल्स (दिल्ली क्यापिटल्स) ले अनुबन्धन गरेको थियो । उनलाई दिल्लीले न्यूनतम २० लाख भारुमा किनेको थियो । सन् २०२० सम्म दिल्लीमा रहेका सन्दीपले नौ खेल खेल्दै १३ विकेट लिएका थिए ।

२०२२ को आईपीएलमा यसपदक दुई टोली थप गरिएकोले सन्दीप कुनै न कुनै टोलीमा भित्रिने आशा रहेको थियो । शनिबार बिक्न नसकेका लामिछानेका लागि आईतबार बिक्री हुने आशा रहेको थियो । तर उनलाई कुनै पनि टिमले चासो देखाएन ।