स्पेनिस ला लिगा फुटबलमा रियल मड्रिड विजयी भएको छ । शनिबार राति भएको खेलमा रियलले डिपोर्टिभो अलाभेसलाई ३-० ले पराजित गरेको हो ।

रियलको घरेलु मैदानमा भएको एकतर्फी खेलको पहिलो हाफ गोलरहित बराबरीमा सकिएको । तर दोस्रो हाफमा रियलले उत्कृष्ट पुनरागमन गर्दै ३ गोल गर्न सफल भयो । खेलको ६३ औं मिनेटमा मार्को एसेन्सियोले गोल गर्दै रियललाई अग्रता दिलाएका थिए । त्यस्तै खेलको ८० औं मिनेटमा भिनिसियस जुनियरले गोल गर्दै रियलको अग्रता दोब्बर बनाए ।

त्यसपछि दोस्रो हाफको इन्जुरी समयमा करिम बेन्जिमाले गोल गर्दै रियललाई ३-० को सहज जित दिलाए । जितसँगै रियल २५ खेलमा ५७ अंक जोड्दै शीर्ष स्थानमा छ भने २० अंक जोडेको अलाभेस १९ औं स्थानमा रहेको छ । त्यसैगरी शनिबार रातिनै भएको अर्को खेलमा शनिबार राति भएको खेलमा एथ्लेटिको मड्रिडले ओसासुनालाई ३–० ले पराजित गरेको छ । जितपछि एथ्लेटिको मड्रिड तालिकामा ४२ अंक जोड्दै चौथो स्थानमा छ भने ओसासुना ३२ अंककका साथ नवौं स्थानमा रहेको छ ।