कक्षा १२ को परीक्षा आगामी जेठ १६ गतेदेखि हुने भएको छ । राष्ट्रिय परीक्षा बोर्डको बैठकले जेठ १६ गतेदेखि परीक्षा सुरु गर्ने निर्णय गरेको हो । आगामी जेठ १६ गतेदेखि सुरु हुने परीक्षा बिहान ११ बजेदेखि २ बजेसम्म सञ्चालन हुनेछ ।
परीक्षा जेठको २५ गते सकिने परीक्षा नियन्त्रण कार्यालयले जनाएको छ । परीक्षा नियन्त्रण कार्यालय भक्तपुरले परीक्षाको समय तालिका सार्वजनिक गरेको छ । यसअघि कोरोना महामारीका कारण दुई वर्ष होम सेन्टरमै परीक्षा गरिएता पनि यस वर्षदेखि तोकिएका केन्द्रहरूबाट परीक्षा सञ्चालन गरिने परीक्षा नियन्त्रक कृष्णप्रसाद शर्माले जानकारी दिए ।
यद्यपि कोरोनको जोखिम कायमै रहेको हुनाले कोभिड १९ को संक्रमणबाट बच्न नेपाल सरकारले तोकेको स्वास्थ्य सुरक्षा मापदण्डको पालना गर्दै परीक्षा सञ्चालन हुने नियन्त्रक शर्माले बताए ।
यस्तो छ तालिका :
