नवकान्तिपुर संवाददाता
काठमाडौं, १५ चैत ।
त्रिकोणात्मक टी-ट्वान्टी सिरिज अन्तर्गतको दोस्रो खेलमा मलेसिया र पपुवा न्युगिनी (पीएनजी) भिड्दै छन् । आज (मंगलबार) नेपाल भ्रमणमा रहेका पाहुना टोली मलेसिया र पीएनजी भिड्न लागेका हुन् ।
किर्तिपुर स्थित त्रिवि क्रिकेट मैदानमा हुने खेल नेपाली समय अनुसार १२:३० बजे सुरु हुनेछ । मलेसिया सिरिजमा विजयी हुँदै सुखद सुरुवात गर्ने योजनमा रहेको छ । त्यस्तै पीएनजी पनि मलेसियालाई पराजित गर्दै पहिलो जित निकाल्ने योजना सहित मैदान उत्रदैछ ।
सोमबार भएको पहिलो खेलमा पीएनजी घरेलु टोली नेपालसँग १५ रनले पराजित भएको थियो । मार्च २८ देखि अप्रिल ४ सम्म हुने सिरिजमा नेपाल, मलेसिया र पीएनजीले प्रतिस्पर्धा गरिरहेका छन् ।
