च्याम्पियन्स लिगको प्लेयर अफ द सिजनको अवार्ड फ्रान्सेली खेलाडी तथा स्पेनिस क्लब रियल मड्रिडका फरवार्ड करिम बेन्जिमाले हात पारेका छन् । रियल मड्रिडका स्टार खेलाडी ३४ वर्षीय बेन्जिमाले टोलीलाई च्याम्पियन्स लिगको उपाधि दिलाउन महत्वपूर्ण भूमिका खेल थिए ।

शनिबार राति भएको फाइनल खेलमा इंग्लिस क्लब लिभरपुललाई १-० ले पराजित गर्दै रियल मड्रिडले कीर्तिमानी १४ औं पटक च्याम्पियन्स लिगको उपाधि चुमेको थियो । बेन्जिमाको यो पाँचौं च्याम्पियन्स लिगको उपाधि हो । उनले यस सिजन १५ गोल गरेका थिए ।

त्यस्तै योङ प्लेयर अफ द सिजन रियल मड्रिडका २१ वर्षीय भिनिसियस जुनियर घोषित भएका छन् । उनले यस सिजन ४ गोल गरेका थिए ।