आईसीसी पुरुष क्रिकेट विश्वकप लिग टू सिरिज अन्तर्गतको खेलमा नेपाल र ओमान भिड्दै छन् । आज (बिहीबार) सिरिजको लागि अमेरिकामा रहेको नेपाली राष्ट्रिय क्रिकेट टोलीले ओमानको सामना गर्न लागेको हो । नेपाल अमेरिका र ओमानसँगको त्रिकोणात्मक सिरिजका लागि अमेरिकामा रहेको छ ।

नेपाल आज ओमानविरुद्ध जित निकाल्दै सिरिजमा सुखद सुरुवात गर्ने योजनाका साथ मैदान उत्रदै छ भने ओमान पनि नेपाललाई पराजित गर्ने योजना रहेको छ । पछिल्लो नतिजा हेर्ने हो भने नेपालभन्दा ओमान बलियो देखिएको छ । यसअघि भएको चार भेटमा ओमानले नेपाललाई ३ पटक पराजित गरेको छ भने नेपालले एक पटक ओमानलाई हराएको छ ।

ओमान ३२ खेलमा ४० अंक जोड्दै अंक तालिकाको शीर्ष स्थानमा छ भने १२ खेलमा १२ अंक जोडेको नेपाल छैटौं स्थानमा रहेको छ । सिरिजमा नेपालले अमेरिका र ओमानसँग दुई दुई खेल खेल्नेछ । आज ओमानविरुद्ध पहिलो खेल खेल्न लागेको नेपालले दोस्रो खेल अमेरिकाविरुद्ध जुन ११ मा, तेस्रो खेलमा ओमानविरुद्ध नै जुन १४ मा र अन्तिम खेल अमेरिकाविरुद्ध जुन १५ मा खेल्नेछ ।