आईसीसी पुरुष क्रिकेट विश्वकप लिग टू सिरिज अन्तर्गतको दोस्रो खेलमा नेपाल र अमेरिका भिड्दै छन् । आज (शनिबार) सिरिजको लागि अमेरिकामा रहेको नेपाली राष्ट्रिय क्रिकेट टोलीले घरेलु टोली अमेरिकासँग खेल्न लागेको हो । नेपाल अमेरिका र ओमानसँगको त्रिकोणात्मक सिरिजका लागि अमेरिकामा रहेको छ ।

टेक्ससस्थित मोसा क्रिकेट मैदानमा हुने खेल नेपाली समय अनुसार राति ९:१५ बजे सुरु हुनेछ ।नेपाल आज अमेरिकाविरुद्ध जित निकाल्दै सिरिजमा पहिलो जित हात पार्ने योजनाका साथ मैदान उत्रदै छ भने अमेरिका पनि पनि नेपाललाई पराजित गर्ने योजनामा रहेको छ । सिरिज अन्तर्गत पहिलो खेलमा नेपाल ओमानसँग १३ रनले पराजित भएको थियो भने पहिलो खेलमा अमेरिकाले ओमानलाई पराजित गरेको थियो ।

पछिल्लो नतिजा हेर्ने हो भने अमेरिकाभन्दानेपाल बलियो देखिएको छ । यसअघि भएको चार भेटमा नेपालले अमेरिकालाई ३ पटक पराजित गरेको छ भने अमेरिकाले एक पटक नेपाललाई हराएको छ । अमेरिका २१ खेलमा २० अंक जोड्दै अंक तालिकाको चौथों स्थानमा छ भने १३ खेलमा १२ अंक जोडेको नेपाल छैटौं स्थानमा रहेको छ । सिरिजमा नेपालले अमेरिका र ओमानसँग दुई दुई खेल खेल्नेछ । आज अमेरिकाविरुद्ध दोस्रो खेल खेल्न लागेको नेपालले तेस्रो खेलमा ओमानविरुद्ध जुन १४ मा र अन्तिम खेल अमेरिकाविरुद्ध नै जुन १५ मा खेल्नेछ ।