साफ यू-२० च्याम्पियनसिप पुरुष फुटबलमा नेपाल रश्रीलंका भिड्दै छन् । आज (बुधबार) नेपाल र श्रीलंका भिड्न लागेका हुन् । भुवनेश्वरस्थित कालिंगा स्टेडियममा हुने खेल नेपाली समयअनुसार साँझ ७:१५ बजे सुरु हुनेछ ।

नेपाल आज श्रीलंकालाई पराजित गर्दै प्रतियोगितामा लगातार दोस्रो जित निकाल्नने योजनाका साथ मैदान उत्रदै छ भने श्रीलंका पनि नेपाललाई पराजित गर्ने दाउँमा रहेको छ । सोमबार भएको पहिलो खेलमा नेपालले माल्दिभ्सलाई ४-० ले पराजित गरेको थियो भने पहिलो खेलमा श्रीलंका बंगलादेशसँग १-० ले स्तब्ध भएको थियो ।

साफ यू-२० च्याम्पियनसिपमा नेपालसहित भारत, माल्दिभ्स, श्रीलंका र बंगलादेशको सहभागिता रहेको छ । अब नेपालले दोस्रो खेल श्रीलंकाविरुद्ध बुधबार, भारतसँग आइतबार र अन्तिम खेल बंगलादेशसँग मंगलबार खेल्नेछ । प्रतियोगिताका शीर्ष दुई टोली फाइनल प्रवेश गर्नेछन् ।