नेपाल एकदिवसीय वरीयताको यथावत् स्थानमा रहेको छ । अन्तर्राष्ट्रिय क्रिकेट परिषद् (आईसीसी) ले बिहीबार सार्वजनिक गरेको नयाँ वरीयतामा नेपाल एकदिवसीय वरीयतामा यथावत् स्थानमा रहेको हो ।

आईसीसीले सार्वजनिक गरेको नयाँ वरियतामा नेपाल १९औँ स्थानमा रहेको हो । अघिल्लो वरियतामा पनि नेपाल १९औँ स्थानमा रहेको थियो ।आईसीसीले सार्वजनिक गरेको एकदिवसीयको नयाँ वरीयताको शीर्ष स्थानमा न्युजिल्यान्ड रहँदा इङ्गल्यान्ड दोस्रो र भारत तेस्रो स्थानमा रहेको छ ।

त्यसैगरी पाकिस्तान चौथों, अष्ट्रेलिया पाँचौँ, दक्षिण अफ्रिका छैटौं, बङ्गलादेश सातौँ, श्रीलङ्का आठौँ, वेष्ट इन्डिज नवौँ र अफगानिस्तान दशौँ स्थानमा रहेका छन् । त्यस्तै टी-२० वरीयतामा भने नेपाल १३ औं स्थानमा रहेको छ ।