फिल्म ‘महापुरुष’को रिलिज डेट घोषणा भएको छ । महजोडी हरिवंश आचार्य र मदनकृष्ण श्रेष्ठको मुख्य भूमिका रहेको फिल्म ‘महापुरुष’को रिलिज डेट घोषणा भएको हो ।

फिल्म कात्तिक ११ अर्थात् भाइटीकाको भोलिपल्ट रिलिज हुनेछ । फिल्म निर्माण कम्पनी षट्कोण आर्ट्सले दुई औपचारिक पोस्टर सार्वजनिक गर्दै रिलिज डेट घोषणा गरेको हो ।

एक पोस्टरमा हरिवंश र गौरी मल्ल बेहुला-बेहुली लुक्समा देखिएका छन् । अर्कोमा हरिवंशले पिँजडाबाहिरको सुगालाई हेरेर मुस्कुराइरहेको देख्न सकिन्छ । फिल्ममा महजोडीसहित गौरी मल्ल, रविन्द्रसिंह बानियाँ, राजाराम पौडेल, अरुण क्षेत्री र अञ्जना बराइली समेत कलाकारको अभिनय देख्न सकिन्छ । प्रदीप भट्टराईद्वारा लिखित एवं निर्देशित फिल्मलाई दिपेश खत्रीले निर्माण गरेका हुन् ।