इंग्लिस प्रिमियर लिग फुटबलमा चेल्सी बराबरीमा रोकिएको छ । आइतबार राति भएको खेलमा टोटेनहमले चेल्सीलाई २-२ को बराबरीमा रोकेको हो ।

चेल्सीका लागि कालिडोउ कुलीबाली र जेम्स रिसले समान १-१ गोल गर्दा टोटेनहमका पिएर इमिल होजवर्ग र ह्यारी केनले समान १-१ गोल गरे । निकै रोमान्चक बनेको खेलमा खेलको १९ औं मिनेटमा कुलीबालीले गोल गर्दै चेल्सीलाई अग्रता दिलाएका थिए । पहिलो हाफ १-० मा सकिएको खेलमा खेलको ६८ औं मिनेटमा टोटेनहम होजवर्गले गोल गर्दै खेललाई बराबरीमा ल्याए ।

खेलको ७७ औं मिनेटमा जेम्सले गोल गर्दै चेल्सीलाई २-१ को अग्रता दिलाए । तर दोस्रो हाफको इन्जुरी समयमा केनले गोल गर्दै टोटेनहमलाई २-२ को बराबरी ल्याए । बराबरीसँगै दुवै टोलीले अन्जा बाँडेका छन् । खेल सकिएपछि हात मिलाउने क्रममा झगडा गरेपछि टोटेनहम र चेल्सीका रातो कार्ड पाएका थिए । बराबरीसँगै चेल्सी २ खेलमा ४ अंक जोड्दै लिगको सातौं स्थानमा छ भने समान खेलमा ४ अंक जोडेको टोटेनहम चौथों स्थानमा रहेको छ ।