नेपाली चलचित्रकी अभिनेत्री रेखा थापाको आज (आइतबार) बर्थडे (जन्मदिन) परेको छ । आजबाट उनी ४० वर्ष पुगेकी छिन् ।
उनी २०३९ भाद्र ५ गते मोरङमा जन्मिएकी हुन् । नेपाली सिने क्षेत्रको सफल अभिनेत्रीको रुपमा परिचित रेखा नरेश पौडेलको निर्देशित तथा छविराज ओझाको निर्मित फिल्म ‘हिरो’ बाट आफ्नो अभिनय करिअर सुरु गरेकी हुन् । उनी सौन्दर्य प्रतियोगिता हुँदै अभिनयमा भित्रिएकी हुन् ।
नेपाली फिल्म क्षेत्रमा निर्माता, निर्देशक र अभिनेत्रीको परिचय समेत बनाएकी रेखाले २ सय हाराहारी फिल्म अभिनय गरेकी छिन् । नेपाली सिने क्षेत्रमा रेखा ‘महानायिका’को रुपमा पनि परिचित छिन् । राजनीतिमा पनि सक्रिय हुँदै आएकी रेखाको राजनीति करियर नेकपा माओवादी केन्द्रबाट सुरु भएको थियो । हाल उनी राप्रपाको राजेन्द्र लिङ्देनको पार्टीमा छिन् । २०७८ को महाधिवेशनमा उनी लिङ्देनको पक्षबाट महामन्त्रीको उम्मेदवार हुने घोषणा गरेकी थिइन् । जसमा उनी पराजित भएको थिइन् ।
