वरिष्ठ लोक तथा दोहोरी गायक भगवान भण्डारीको शब्द, संगीत र स्वरमा नयाँ गीत ‘मैले हारेँ’ को म्युजिक भिडियो हालै सार्वजनिक भएको छ । पोखरा नगरपालिका वार्ड नम्बर ३२ रुपातालमा स्थायी घर भई हाल अमेरीकाको बाल्टिमोर सहरमा बस्दै आएका सुशील पंगेनीले उक्त म्युजिक भिडियो बजारमा ल्याएका हुन् ।
यसभन्दा अगाडि पनि उनका थुप्रै आधुनिक तथा लोकदोहरी गीत बजारमा आइसकेका छन् । शंकर बिसीले निर्देशन गरेको उक्त गीतको भिडियोमा सुशील पंगेनी, माधवी भण्डारी र सागर घिमिरेको अभिनय रहेको छ । गीतको म्युजिक भिडियो भगवान भण्डारीको युट्युब च्यानलबाट सार्वजनिक गरिएको छ ।
निर्माता पंगेनीले अबका दिनमा आफ्नै जन्मथलोमा नेपाल गएर नयाँ गीत बनाउने योजना रहेको बताएका छन् । अमेरिकाजस्तो व्यस्त ठाउँमा रहेर पनि निर्माता पंगेनीको विभिन्न सामाजिक, साँस्कृतिक, खेलकुदलगायतका क्षेत्रमा उल्लेखनीय योगदान रहँदै आएको छ ।
भिडियो –
