नवकान्तिपुर संवाददाता
काठमाडौं, २७ भदौ ।
मिटरब्याज पीडित र प्रहरीबीच झडप भएको छ । सोमबार कीर्तिपुरमा मिटरब्याज पीडित र प्रहरी बीच झडप भएको हो । झडपको क्रममा प्रहरीले उनीहरुमाथि लाठीचार्ज गरेको थियो ।
न्याय माग्न काठमाडौं आएर प्रदर्शन गरिरहेको पीडितले कीर्तिपुरबाट प्रदर्शन सुरु गरेका थिए । कीर्तिपुर गेटनजिकै विभिन्न नारासहितका प्लेकार्ड बोकेर प्रदर्शनमा उत्रेका उनीहरुको आन्दोलनमा प्रहरीले हस्तक्षेप गरेको हो । पीडितहरु र्यालीसहित माइतीघर मण्डलमा पुगेर प्रदर्शन गर्ने तयारी गरेका थिए ।
तर, प्रहरीले उनीहरुलाई कीर्तिपुरमै रोकेका थिए । झडपमा परेर दुई प्रहरीसहित ३ जना घाइते भएका छन् । प्रहरीले ६० भन्दा बढी मिटरब्याज पीडितलाई पक्राउ गरेको छ । मिटर ब्याजका कारण समस्यामा परेको भन्दै उनीहरु न्याय माग्न काठमाडौं आएका हुन् ।
