नवकान्तिपुर संवाददाता
काठमाडौं, ११ असोज ।
गायक सीताराम पोखरेलको म्युजिक भिडियो ‘पहाडको थुम्को’ सार्वजनिक भएको छ । रूपक बनवासीद्वारा लिखित शब्दहरूमा राज सागरको सङ्गीत सुन्न सकिन्छ ।
भिडियो छायाङ्कन मुस्ताङको जोमसोम, मार्फा, उपल्लो मुस्ताङ, छुसाङ लगायतका क्षेत्रमा गरिएको छ । भिडियोमा गायक पोखरेल र अभिनेत्री अनु शाहको प्रेमकथा देख्न सकिन्छ । समन अधिकारीले निर्देशन गरेको भिडियोको छायाङ्कन र सम्पादन अनिल कटवालले गरेका छन् ।
गायक पोखरेलको यो २७ औँ म्युजिक भिडियो हो । उनी विगत तीन दशकदेखि निरन्तर गायनमा सक्रिय रहँदै आएका छन् ।
भिडियो –
