नेपाली अभिनेता प्रदीप खड्काले भारतमा डेब्यु अभिनेताको अवार्ड जितेका छन् । प्रदीपले भारतको ग्लोबल ताज अन्तर्राष्ट्रिय फिल्म फेस्टिभलमा डेब्यु अभिनेताको अवार्ड जितेका हुन् ।

भारतको आगरामा भएको फेस्टिभलमा अभिनेता खड्काले ‘प्रेमगीत ३’को हिन्दी संस्करण तर्फको फिचर फिल्मतर्फ डेब्यु अभिनेताको अवार्ड जितेका हुन् । त्यस्तै उत्कृष्ट फिल्मको अवार्ड भने ब्रिजेन्दर काला स्टारर हिन्दी फिल्म ‘मास्क’ ले जितेको छ ।

अवार्डकै लागि अभिनेता प्रदीप र ‘प्रेमगीत ३’ का निर्माताहरू यतिबेला आगरामा छन् । उनले सामाजिक सञ्जालमा फेसबुकमा अवार्ड पाएको जानकारी दिंदै आयोजकलाई धन्यवाद दिएका छन् । ‘प्रेमगीत ३’ नेपाल र हिन्दी गरी दुवै संस्करणमा बनेको चलचित्र हो ।