सिराहामा मतपेटिका खोसाखोसको स्थिति आएपछि प्रहरीले गोली चलाएको छ । सिराहामा जनता समाजवादी पार्टी (जसपा) र नेकपा (एकीकृत समाजवादी) का कार्यकर्ताबीच मतपेटिका खोसाखोस हुन थालेपछि प्रहरीले ३ राउन्ड गोली चलाएको हो ।

सिराहाको कर्जन्हा नगरपालिकाका वडा नं ६ मिर्चैयास्थित जनता मावि बडहरामालको बुथमा दुवै पक्षबीच मतपेटिका खोसाखोस हुन थालेपछि स्थितिलाई नियन्त्रणमा लिन गोली चलाउनुपरेको जिल्ला प्रहरी कार्यालय सिराहाले जनाएको छ ।

अहिले स्थिति सामान्य भएपछि पुन: मतदान सुरु भएको प्रहरीले जनाएको छ ।