नेपाली कांग्रेसका नम्डु गुरुङ मुस्ताङको प्रदेशसभा (क) मा विजयी भएका छन् । नम्डुले १ हजार ४८ मत ल्याएर प्रदेशसभामा निर्वाचित भएका हुन् ।

उनका निकटतम प्रतिस्पर्धी नेकपा एमालेका इन्द्रधारा विष्टले ७ सय ९३ मत पाएका थिए । नम्डुले एमालेका विष्टलाई २५५ मतान्तरले पराजित गर्दै विजयी बनेका हुन् ।

गुरुङ यसअघि स्थानीय चुनावमा लोमान्थाङ गाउँपालिकाको वडा नम्बर ४ को वडाअध्यक्षमा पराजित भएका थिए । उक्त प्रदेशमा १४ मत बदर भएको थियो । यसअघि कांग्रेसकै योगेश गौचन मुस्ताङ प्रतिनिधिसभातर्फ विजयी भइसकेका छन् । अहिले प्रदेशसभा (२) को मतगणना जारी छ ।