प्रतिनिधि सभा सदस्यमा एमालेले पनि खाता खोलेको छ । ललितपुर निर्वाचन क्षेत्र नम्बर २ मा एमाले उम्मेदवार प्रेमबहादुर महर्जन विजयी भएका छन् । प्रतिनिधि सभा सदस्यमा एमालेले यो पहिलो जित हो ।

महर्जन १५ हजार २५ मत पाएर विजयी हुँदा उनका निकटतम प्रतिस्पर्धी हाम्रो नेपाल पार्टीका सुदिन शाक्यले ८ हजार ८८६ मत पाएका हुन् ।

त्यस्तै राष्ट्रिय स्वतन्त्र पार्टीका उम्मेदवार बुद्धरत्न महर्जनले ८ हजार ६६६ मत प्राप्त गर्दा सत्ता गठबन्धनका साझा उम्मेदवार नेकपा (एकीकृत समाजवादी) का कृष्णलाल महर्जनले ८ हजार २६४ र राष्ट्रिय प्रजातन्त्र पार्टीका उम्मेदवार रघुवरराज थापाले ६ हजार ६४६ मत प्राप्त गरेका छन् ।