निर्वाचन आयोगले जलपान कार्यक्रमको आयोजना गर्ने भएको छ । आयोगले आगामी पुस ४ गते जलपान कार्यक्रमको आयोजना गर्ने जनाएको हो ।

प्रतिनिधिसभा र प्रदेशसभा सदस्य निर्वाचन सफलतापूर्वक सम्पन्न भएका अवसरमा आयोगले जलपान कार्यक्रमको आयोजना गरिएको प्रवक्ता शालिग्राम शर्मा पौडेलले जानकारी दिए । जलपान कार्यक्रम आयोगको प्राङ्गणमा पुस ४ गते अपरान्ह १ः ३० बजेदेखि सुरु हुने प्रवक्ता पौडेलले बताए ।

त्यस्तै जलपान कार्यक्रममा राष्ट्रपति, उपराष्ट्रपति, प्रधानमन्त्रीसहित अति विशिष्ट पदाधिकारी, मन्त्री, पूर्वप्रधानमन्त्री, राजनीतिक दलका नेता, सुरक्षा अङ्गका प्रमुख, कूटनीतिक नियोगका प्रमुख तथा प्रतिनिधि लगायतलाई आमन्त्रण गरिएको उनको भनाइ छ । यस वर्ष तीन तहका निर्वाचन सम्पन्न भएका छन् । गत वैशाखमा स्थानीय तह तथा यही मङ्सिरमा प्रतिनिधिसभा र प्रदेशसभा सदस्य निर्वाचन सम्पन्न भएको छ ।