नवकान्तिपुर संवाददाता
काठमाडौं, १३ पुस ।
प्रधानमन्त्री एवं नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ र नेकपा (एमाले)का अध्यक्ष केपी शर्मा ओलीबीच भेटवार्ता भएको छ । आज (बुधबार) अध्यक्ष दाहाल निवास खुमलटारमा प्रधानमन्त्री प्रचण्ड र ओलीबीच भेटवार्ता भएको हो ।
भेटमा सरकार सञ्चालन, विस्तारलगायत समसामयिक विषयमा छलफल भएको थियो । त्यस्तै दुई नेताबीचको भेटमा जनतालाई सेवा प्रवाह र सुशासनका सन्दर्भमा गरेका निर्णयलाई कार्यान्वयन गर्ने विषयमा छलफल भएको माओवादी अध्यक्ष दाहालका स्वकीय सचिव रमेश मल्लले जानकारी दिए ।
यसअघि आजै प्रधानमन्त्री दाहालले नेकपा (एकीकृत समाजवादी)का अध्यक्ष माधवकुमार नेपालसँग भेटवार्ता गरेका थिए ।
