फिनिक्स कलेज अफ म्यानेजमेन्टले राष्ट्रिय क्रिकेट टोलीका पाँच खेलाडीलाई नगदसहित सम्मान गरेको छ । बिहीबार कलेजले क्रिकेट खेलमा महत्वपूर्ण योगदान पुर्याएको भन्दै सम्मान गरेको हो ‘

कलेजले ज्ञानेन्द्र मल्ल, कुशल भुर्तेल, कमलसिंह ऐरी, सन्दीप जोरा र सूर्य तामाङलाई जनही रु ५० हजार नगदसहित बिहीबार सम्मान गरेको हो ।क्रिकेट टोलीका पाँच जना खेलाडीलाई कलेजका कार्याकारी निर्देशक लक्ष्मण पोखरेल, प्राडा फत्तबहादुर केसीले संयुक्त रुपमा सम्मान तथा पुरस्कार प्रदान गरे ।

सोही अवसरमा निर्देशक पोखरेलले राष्ट्रिय क्रिकेट खेलाडीलाई उच्च शिक्षा हासिल गर्न शतप्रतिशत पूर्ण छात्रवृत्ति उपलब्ध गराएको बताए ।