देशका विभिन्न स्थानबाट मृत अवस्थामा छ जना फेला परेका छन् । चितवन, इच्छाकामना गाउँपालिका-६ टोपेखोला नजिकै त्रिशुली नदी किनारमा गोरखा, गोरखा नगरपालिका-७ बस्ने १८ वर्षीय दिवश रोका बुधबार मृत अवस्थामा फेला परेका छन् ।

शनिबार काठमाडौंबाट गोरखा जाने क्रममा बा.२ ज ४१९६ नम्बरको ट्याक्सी त्रिशुली नदीमा खस्दा बेपत्ता भएका उनको शव फेला परेको हो । त्यस्तै झापा, कमल गाउँपालिका-२ सगरमाथा टोल बस्ने ७८ वर्षीया कमलादेवी अधिकारी आफ्नै घरमा मंगलबार मृत अवस्थामा फेला परेकी छन् ।

यस्तै मोरङ, बेलवारी नगरपालिका-६ सोमबारे बस्ने युवराज पाँचकोटीको घरमा पाहुना आएकी भारत राजस्थान बस्ने ३० वर्षीया तिलक माया धौलाकोटी बुधबार मृत अवस्थामा फेला परेका छन् । उता दाङ, तुलसीपुर उपमहानगरपालिका-६ गाइडरस्थित मानव सेवा आश्रममा बस्दै आएका हाल वतन नखुलेको अन्दाजी ५३ वर्षीय दिल बहादुर चौधरी आफु सुत्ने कोठामा बुधबार मृत अवस्थामा फेला परेका छन् ।

यता काठमाडौं, बुढानिलकण्ठ नगरपालिका-२ चपली घुम्ती डेरा गरी बस्ने सिन्धुपाल्चोक लिसंखु गाउँपालिका-६ घर भएका ६१ वर्षीय कृष्ण बहादुर गुरूङ आफ्नै सुत्ने कोठामा बुधबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।