देशका विभिन्न स्थानबाट मृत अवस्थामा तीन जना फेला परेका छन् । मोरङ, सुन्दरहरैचा नगरपालिका-६ जागृति टोल बस्ने ४५ वर्षीया निर्मला लिम्बु सोही ठाउँस्थित भोर्जना पैनिमा बुधबार मृत अवस्थामा फेला परेकी छिन् ।

त्यस्तै काभ्रे, खानिखोला गाउँपालिका-७ त्रिवेणीघाटस्थित त्रिवेणीघाट सामुदायिक जंगलमा हाल नाम, थर, वतन नखुलेकी महिला बुधबार मृत अवस्थामा फेला परेकी छन् ।

यस्तै पर्सा, वीरगंज महानगरपालिका-१४ बहुअरीस्थित खुल्ला चौरमा साल नालसहितको नवजात शिशुको शव बुधबार फेला परेको छ । शिशुको लिङ्ग पहिचान हुन सकेको छैन् । यस सम्बन्धमा प्रहरीले आवश्यक अनुसन्धान गरिरहेको छ ।