देशका विभिन्न स्थानबाट मृत अवस्थामा तीन जना फेला परेका छन् । भोजपुर, आमचोक गाउँपालिका-७ सल्लेनी बस्ने २१ वर्षीय हस्त बहादुर पुलामी मगर सोही ठाउँस्थित मान्द्रे भिरको खोल्सामा बिहीबार मृत अवस्थामा फेला परेका छन् ।

बुधबार सोही ठाउँस्थित हाई खोलामा पानीको मुहानमा पानी बनाई घर फर्कने क्रममा मान्द्रे भिरबाट लडेर बेपत्ता भएका उनको खोजी गर्ने क्रममा शव फेला परेको हो । त्यस्तै सुनसरी, दुहवी नगरपालिका-१० बुधचोकस्थित सडक छेउमा सोही नगरपालिका- १० बस्ने ३५ वर्षीय रमेश राम बिहीबार मृत अवस्थामा फेला परेका छन् ।

यसैगरी सुनसरी, बराहक्षेत्र नगरपालिका-१ चतरा पुलस्थित कोशी नदीमा हाल नाम, थर, वतन नखुलेका अन्दाजी ४५ वर्षीय पुरूष बिहीबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।