देशका विभिन्न स्थानबाट मृत अवस्थामा चार जना फेला परेका छन् । बाँके, बैजनाथ गाउँपालिका-२ पितमारीस्थित रेशम बैगारको घरमा सोही ठाउँ बस्ने २२ वर्षीय अम्मर बिक बिहीबार मृत अवस्थामा फेला परेका छन् ।

त्यस्तै कास्की, मादी गाउँपालिका-११ ठुल्ढुङ्गा बस्ने ७२ वर्षीय रिठ्ठे रानाभाट सोही ठाउँस्थित खेतमा बिहीबार मृत अवस्थामा फेला परेका छन् ।यस्तै इलाम, देउमाई नगरपालिका-१ चमैतास्थित बाटोमा माङसेबुङ गाउँपालिका-२ घर भएका २९ वर्षीय सरोज लिम्बु बिहीबार मृत अवस्थामा फेला परेका छन् ।

उता झापा, दमक नगरपालिका-४ उदयटोल बस्ने ४० वर्षीया सरू भन्ने सरस्वती खड्का आफ्नै घरमा गए राति मृत अवस्थामा फेला परेकी छिन् । यस सम्बन्धमा प्रहरीले आवश्यक अनुसन्धान गरिरहेको छ ।